11-сынып бітіруші түлектеріне түсіндіру жұмысы жүргізілді.

2026 жылдың 21 мамырында Бәйтерек ауылы Ыбырай Алтынсарин атындағы орта мектебінде Жамбыл АПБ ҚҚБ ЮПТ аға УПИ полиция майоры Құлшымбаев Нұрлан, мектеп директоры А.Айтекова, ДТІЖО И.Чупеева, 11 сынып жетекшісі М.Қырықбаеваның қатысуымен мектеп бітіруші түлектердің құқық бұзушылықтарының алдын алу мақсатында жиналысы өткізілді.
Жиналысқа мектеп әкімшілігі, сынып жетекшілері, бітіруші түлектер қатысты. Жиналыс барысында оқушылардың қауіпсіздігін қамтамасыз ету және құқық бұзушылықтың алдын алу мәселелері жан-жақты түсіндірілді.
Атап айтқанда:
- мектеп бітіру кештерін (банкет) ұйымдастырмау;
- көлікпен топтасып (кортежбен) қыдырмау;
- ата-анасының рұқсатынсыз табиғат аясында демалуға (маевкаға) шықпау;
- қоғамдық тәртіпті сақтау, заң талаптарын бұзбау қажеттігі ескертілді.
Жиналыс соңында қатысушыларға түсіндірілген талаптарды сақтау қажеттігі ескертіліп, тиісті түсіндірмелер жасалды.