№6 Ыбырай Алтынсарин атындағы орта мектебінің 2025–2026 оқу жылындағы қызметінің қорытынды есебі және алдағы кезеңге арналған даму бағыттары.

№6 Ыбырай Алтынсарин атындағы орта мектебінің 2025-2026 оқу жылындағы оқу-тәрбие процесінің жылдық қорытынды баяндамасы

І. Кіріспе және мектептің жалпы сипаттамасы
Мектебіміздің тарихындағы алғашқы белес — 2025-2026 оқу жылы сәтті аяқталды. Тарих қойнауына енгелі отырған бұл жыл біз үшін ерекше, өйткені №6 Ыбырай Алтынсарин атындағы орта мектебі өз есігін жаңадан ашып, 2025 жылдың 1 қыркүйегінде алғашқы шәкірттерін қабылдаған болатын.
* Контингент: Алғашқы оқу жылын мектебімізде 121 оқушы аяқтады.
* Бітірушілер: Мектепті салтанатты түрде 11-сыныпты 5 оқушы, ал 9-сыныпты 13 оқушы бітіріп шықты. Білім ұямыздың алғашқы қарлығаштарының ішінде ерекше көзге түсіп, білім деңгейін дәлелдеген 9-сынып оқушысы Мырзабай Ардақ пен 11-сынып оқушысы Болатхан Нұрай «Үздік аттестат» иегері атанды.
* Білім сапасы: Мектеп бойынша жылдық қорытынды білім сапасы 73%-ды көрсетті.
ІІ. Педагогикалық құрам және сапалық көрсеткіш
Жаңа мектептің іргетасын қалап, білім мен тәрбие нәрін сепкен 27 педагог қызмет атқарады. Ұстаздарымыздың сапалық құрамы 48%-ды құрайды. Мұғалімдердің біліктілік санаттары келесідей бөлінді:
* Педагог-Шебер – жоқ;
* Педагог-Зерттеуші – 6 ұстаз;
* Педагог-Сарапшы – 7 ұстаз;
* Педагог-Модератор – 6 ұстаз;
* Санаты жоқ (жас мамандар) – 8 мұғалім.
ІІІ. Мектепішілік және сыртқы инновациялық жобалар
Мектептің даму стратегиясын айқындау мақсатында 2025-2026 оқу жылында бірқатар маңызды мектепішілік жобалар жүзеге асырылып, аудандық деңгейдегі жобаларға интеграцияланды:
       1.    “SMART АУЫЛ мектеп” жобасы: Ауыл балаларына заманауи цифрлық білім беруді қолжетімді ету, сабақтарда АКТ мен жасанды интеллект элементтерін қолдану және цифрлық сауаттылықты арттыруға бағытталған.

2.    “Кәсіптік бағдар беруші мектеп” жобасы: Жоғары сынып оқушыларының болашақ мамандықты қателеспей таңдауына көмектесу, заманауи трендтермен таныстыру және өндіріс орындарымен байланыс орнату мақсатында жүргізілді.

3.    “Жомарт түлек” жобасы: Мектеп бітіруші түлектермен және демеушілермен байланысты нығайта отырып, мектептің материалдық-техникалық базасын дамытуға және жас ұрпаққа қамқорлық көрсету мәдениетін қалыптастыруға негізделген.

4.    “Мейірімді бала” жобасы: Оқушылар бойында гуманизм, жанашырлық, өзара көмек құндылықтарын дамыту, инклюзивті ортаны қолдау және қайырымдылық акцияларын ұйымдастыру мақсатын көздеді.

5.    “Тәжірибе шыңдаушы шеберхана” жобасы: Тәжірибелі ұстаздар мен жас мамандар арасындағы тәлімгерлікті дамыту, озық педагогикалық әдістемелермен бөлісу және мұғалімдердің кәсіби шеберлігін арттыру алаңына айналды.

6.    “Оқитын мектеп” жобасы: Мектеп оқушылары мен ұстаздар арасында кітап оқу мәдениетін қалыптастыру, көркем әдебиетке деген қызығушылықты ояту және талдау дағдыларын дамыту бағытында жыл бойы жұмыс істеді.

7.    Ауданішілік “Тьютор мектеп” жобасы: Мектебіміз бұл жоба аясында басқа білім беру мекемелерімен кәсіби қолдау көрсету, тәжірибе алмасу және әдістемелік көмек беру бағытында тығыз серіктестік орнатты.ІV. Тәрбие жұмысы және үйірмелермен қамту
Мектепте тәрбие жұмыстары жүйелі түрде “Адал азамат” біртұтас тәрбие бағдарламасы аясында жүргізілді. Балалардың бос уақытын тиімді ұйымдастыру және шығармашылық, спорттық әлеуетін дамыту басты назарда болды.
* Клубтардың жұмысы: Мектепте ерекше белсенділікпен “Жас сақшылар” және “Жас табиғат қорғаушылар” клубтары жұмыс жасады. Сапалы жұмыстың нәтижесінде «Жас сақшылар» клубы аудандық байқауда жүлделі орындарға ие болса, «Жас табиғат сақшылары» “Облыстық эковолонтер” байқауының ІІ орын иегері атанды. Бұдан бөлек, оқушылардың қызығушылықтары бойынша “Теннис” клубы, “Шахмат клубы” және “Робот құрастырушылар” клубтары тұрақты қызмет көрсетті.
* Үйірмелермен қамту: Мектептегі 121 оқушының 61-і (шамамен 50%-ы) мектепішілік үйірмелермен толық қамтылды. Олар “Тоғызқұмалақ”, “Қыш” өнері және “Волейбол” үйірмелеріне белсене қатысып келеді.
* Ақпараттық ашықтық: Мектептегі барлық оқу-тәрбие процесі, өткізілген іс-шаралар мен маңызды жаңалықтар мектеп сайтында және әлеуметтік желілердегі (Instagram т.б.) ресми парақшаларда дер кезінде, ашық жарияланып отырды.
V. Оқушылардың дарындылығы мен жетістіктері 
Бірінші оқу жылында-ақ мектебіміздің оқушылары аудандық, облыстық және республикалық деңгейде жоғары нәтижелер көрсетті:
1. Зерттеу жобалары мен ғылыми байқаулар:
* «Зерде» республикалық зерттеу жобалары (2-7 сынып): Аудандық кезеңге 15 оқушы қатысып, барлығы жүлделі орындарға ие болды. Оның ішінде Әбдімаш А (Медицина, экология), Жолшыбек Ж (Физика, космос), Тұрсымбет І (Туризм, спорт) және Мырзабай Н (Химия, биология) І орын иеленді. Облыстық кезеңде 3 оқушы жүлделі орындар алса, Жолшыбек Ж облыстан І орын алып, республикалық кезеңге жолдама иеленіп, сертификатпен оралды.  
* 9-11 сыныптардың ғылыми жобалар конкурсы: Аудандық кезеңде 7 оқушы қатысып, 6-ы жүлделі орын алды. Жолшыбек А (Химия), Мырзабай А (Этномәдениеттану) және Ділдәбек І (Адам және қоғам) І орын алды. Облыстық кезеңге жолдама алған 4 оқушымыз (Жолшыбек А, Мырзабай А, Қалдыбек Н, Тұрарбек С) жүлделі І, ІІ, ІІІ орындарды қанжығаларына байлады.  
* Экологиялық және ғылыми байқаулар:
* «Мен зерттеушімін» аудандық байқауында Сман Сағадат пен Балхаш Балнұр І орын алса, Сман Сағадат облыстық кезеңде де ІІ орын иеленді.  
* «Eco Science» аудандық байқауында Әбдімаш Айзере мен Мырзабай Ардақ І орын алса, облыстық кезеңде екеуі де ІІ орынға ие болды.  
* «Экоюрист» аудандық байқауында Жолшыбек Арайлым І орын, «Pro-Есо» аудандық байқауында Асан Алина, Жолшыбек Айсұлу, Оразалы Іңкәр І орын алып, облыста грамотамен марапатталды.  
* «Eco-Volonter» облыстық байқауында 6-сынып оқушыларынан құралған «Табиғат сақшылары» командасы ІІІ орын алды.  
1. Пәндік олимпиадалар мен зияткерлік сайыстар:
* 7-8 сынып олимпиадасы (Аудан): Тұрдалы Аянұр (қазақ тілі, ІІ орын), Ділдәбек Інжу (география, ІІ орын), Әбдімаш Мерейім (Қазақстан тарихы, ІІІ орын) жүлдегер атанды.  
* 9-11 сынып олимпиадасы (Аудан): Мырзабай Ардақ (қазақ тілі, ІІ орын), Тұрарбек Санжар (биология, ІІ орын), Жолшыбек Арайлым (орыс тілі, ІІІ орын) жүлделі орындарға ие болды.  
* Басқа олимпиадалар: Математикадан аудандық «Бастау» олимпиадасында Мырзабай Бақдәулет ІІІ орын, А.Миразова атындағы олимпиадада Жұмабек Сезім ІІ орын алды. Республикалық қашықтықтан өткен «Ақбота» зияткерлік олимпиадасында 105 оқушы, «Кенгуруде» 30 оқушы, «Тарих ата» олимпиадасында 34 оқушы жүлделі орындарға ие болды.  
1. Шығармашылық, әдеби байқаулар және өнер:
Бұл бағытта мектеп мақтанышы Жолшыбек Арайлым ерекше белсенділік танытып, «Мағжан оқуларында» Бас жүлде (облыста І орын), республикаға Петропавл қаласына жолдама, «Мұқағали Мақатаев оқуларында» І орын (облыста ІІІ орын), «Шерхан оқуларында» ІІ орын, «Әбіш оқулары», «Ілияс оқулары», «Махамбет оқулары», «Серік Томанов оқулары», «Ақберен» байқаулары мен сурет байқауында жүлделі ІІ және ІІІ орындарды иеленді. Сондай-ақ, Мырзабай Асылым («Жарқын болашақ» – І орын, облыстық видео байқау – ІІ орын), Жолшыбек Жібек («Табиғат лирикасы» – І орын) және т.б. оқушыларымыз мектеп абыройын асқақтатты.  
1. Әскери-спорттық және дене шынықтыру жетістіктері:
* «Бүгінгі жас – ертеңгі сарбаз» әскери-спорттық ойынының «Винтовкадан оқ ату» номинациясында Қалдыбекұлы Н, Бақыт А, Жұмабек А, Тұрсымбет К, Манас С, Жолшыбек А І орын иеленіп, жалпыкомандалық есепте мектеп командасы ІІІ орынға ие болды.  
* «Көше ойындары-2026» спорттық фестивалінде Балқаш Балнұр ауданда І орын, облыста ІІІ орын алса, Мырзабай Асылым ауданда ІІ орын алды.  
* Ұлттық мектеп лигасы аясында футболдан мектеп ұлдар құрамасы ауданда ІІІ орын, ал асық атудан Қалдыбек Нұрасыл ІІІ орын алды.  
VІ. Педагогтердің кәсіби жетістіктері
Ұстаз мықты болса, шәкірт те озық. Биылғы оқу жылында мұғалімдеріміз де кәсіби шеберлік байқауларында мектеп мәртебесін биіктетті (Аудандық – 9, Облыстық – 2, Республикалық – 1 жетістік):  
* Тоганбаева К. (Математика): Аудандық «Алтын тұғыр» олимпиадасында І орын, Облыстық кезеңде І орын және Республикалық кезеңде І орын иеленіп, абсолютті жеңімпаз атанды!  
* Конысбаева Г.: Аудандық «Педагогикалық идеялар фестивалінде» І орын (Облыстық кезеңде ІІІ орын), сондай-ақ «Қазақ тілі мен әдебиеті пәнінің үздік mұғалімі» байқауында ІІІ орын иеленді.  
* Чупеева И.: Ағылшын тілі мұғалімдерінің аудандық «ELT Universal master: knowledge & agility - 2026» байқауында ІІ орын алды.  
* Абуталипова А.: «Дарынды балаға – талантты ұстаз» педагогикалық олимпиадасында ІІ орын.  
* Шығармашылық бағытта Орымбаева З (ІІ орын), Тұрсынқұл А (ІІ орын), Ниетбаева Г (ІІІ орын),  Райкулова Н (ІІІ орын) және Сейтбек Т (ІІІ орын) сынды ұстаздарымыз жүлдегерлер қатарынан көрінді.  
VІІ. Келесі оқу жылына арналған перспективалық жоспар
Алғашқы жылдың қорытындысы мен жетістіктерін саралай келе, келесі оқу жылына мектеп ұжымының алдына мынадай басымдықтар мен міндеттер қойылады:
      1.    Білім сапасын арттыру: Сапа көрсеткішін ағымдағы 73%-дан 75-78%-ға дейін көтеру. 9, 11-сынып оқушыларын қорытынды аттестаттауға және ҰБТ-ға дайындау жұмыстарын күшейту.

2.    Педагогтердің сапалық құрамын жақсарту: Сапалық құрамды 48%-дан 55%-ға жеткізу. Ол үшін жас мамандарды (8 мұғалім) «Педагог-модератор» санатына дайындау, тәлімгерлік жұмысын жандандыру және «Педагог-Шебер» санатына үміткерлерді шығару.

3.    Инновациялық жобаларды дамыту: Мектепішілік 7 жобаның аясын кеңейтіп, “SMART АУЫЛ мектеп” жобасы аясында цифрлық білім беру ресурстарын арттыру.

4.    Дарынды балалармен жұмыс: Ғылыми жобалар мен пәндік олимпиадаларда, әсіресе «Зерде» жобасы бойынша республикалық кезеңнен жүлделі орындар алуға мақсатты жұмыс жүргізу.

5.    Үйірмелермен қамту аясын кеңейту: Спорттық және шығармашылық клубтар мен үйірмелерге қатысатын оқушылар санын қазіргі 61 оқушыдан (50%) 80%-ға дейін жеткізу. “Робот құрастырушылар” мен “Қыш” үйірмелерінің материалдық базасын нығайту. Шығармашылық және өнер мектептерімен біріккен үйірмелер “Домбыра” , “Вокал”, “Сыбызғы”, “Би” үйірмелерін ашу.